][center]نكت ليبية - نكت ليبيه - غير خش وشوف النكت الصح - 2010
نكت - نكت ليبية, نكت ليبية, نكت ليبية
![نكت ليبية - نكت ليبيه - غير خش وشوف النكت الصح - 2010 050az](https://2img.net/r/ihimizer/img469/4553/050az.gif)
![نكت ليبية - نكت ليبيه - غير خش وشوف النكت الصح - 2010 1185647370salamjq9](https://2img.net/r/ihimizer/img125/1399/1185647370salamjq9.gif)
اخوانى اعضاء منتديات شلال درنه
بالصدفة وانى اندور في المنتديات دورت القيت هالنكت الليبية فيعنى
قلت ننقلها ليكم بش تشوفوها بالك تضحكو !!!
والمهم انشاء الله تعجبكم
![نكت ليبية - نكت ليبيه - غير خش وشوف النكت الصح - 2010 3](https://2img.net/h/www.al-wed.com/pic-vb/3.gif)
-------------------------------------------------------------------------------------------------------------------------------------
1-مرة فيه واحد سكر راسه على صوابع خوه.
-------------------------------------------------------------------------------------------------------------------------------------
2- الولد لأبنه: نسكّر التلفزيون ؟ ... الإبن : لا لا .. خليه مردود.
-------------------------------------------------------------------------------------------------------------------------------------
3- مرة فيه شاب مرخي يسوق في سيارة وطلع في الأحمر .. لحق عليه الشرطي
بالموطو وقال له بعصبية : ليش طلعت في الأحمر؟ رد الشاب بخوف : والله انا لما
طلعت ما كانش أحمر هلبة .. يعني تقدر تقول نص نص.
-------------------------------------------------------------------------------------------------------------------------------------
4- واحد أحول بيزوق حوشهم زوق حوش جارهم .. وجارهم حتى هوا أحول خطم عليه قال له "ربي يعاون والعقبة لينا".
--------------------------------------------------------------------------------------------------------------------------------------
5- مرة واحد عضه كلب ردهاله.
--------------------------------------------------------------------------------------------------------------------------------------
6- واحد بطنه توجع فيه مشي لدكتور باكستاني سأله الدكتور : لاباس عليك ..
ردعليه : والله يا دكتور واكل هندي(يعنى تين شوكى) .. الدكتور سيبه وهرب.
--------------------------------------------------------------------------------------------------------------------------------------
7- الأول : كيف تقول لشخص أجنبي تعالي هنا بالإنجليزي ؟ ... الثاني :
نقول له "كم هير" .. الأول : وكيف تقول له عدي غادي بالإنجليزي ؟ .. الثاني :
نمشي غادي ونقول له "كم هير".
--------------------------------------------------------------------------------------------------------------------------------------
8- واحد مشترك في من سيربح المليون .. ولما وصل في سؤال صعب طلب يتصل
بصديق .. واعطاهم رقم مرته .. ولما كلماته قال لها : شنو رايك ياحبيبتي نحذف
إجابتين أو ناخذ راي الجمهور؟.
-------------------------------------------------------------------------------------------------------------------------------------
9- الزبون للبائع : عندك سلاطة خضرا ؟ .. البائع : للأسف ما عنديش !! .. الزبون : باهي شوفلي أي لون تاني.
-------------------------------------------------------------------------------------------------------------------------------------
10- الأول : تجي نديرو آفاري ؟ .. الثاني : كيف ؟ .. الأول : أنتا تعطيني
نص الفلوس اللي معاك وأنا ناخذ منك النص الثاني.
------------------------------------------------------------------------------------------------------------------------------------
11- الأب للمدرس : عليش ضربت ولدي أمس ؟ .. المدرس : لأن ولدك (حاشاكم)
حمار .. ما يعرفش يكتب كلمة "فيل" .. الأب بإستغراب : فيل يا ظالم !! .. ولد في
الصف الأول تبيه يكتب فيل ؟ .. قول له يكتب برغوثة .. عصفورة .. حمامة بالكثير مش فيل !!!!؟.
------------------------------------------------------------------------------------------------------------------------------------
12- أثنين طرش ساكنين مقابلين بعض .. الأول طالع من حوشه وشاد في أيده
بندقية والثاني طالع من حوشه وشاد في أيده بندقية .. الأول: أنتا ماشي تبي
تصطاد؟ .. الثاني: لا .. انا مكسد قلت نطلع نصطاد .. الأول: خسارة .. قبل نحسابك ماشي بتصطاد قلت نتسايرو.
-----------------------------------------------------------------------------------------------------------------------------------
13- سراق خش لحوش ولما بدا يسرق افطن بيه مولى الحوش ومراته .. السراق جبد
عليهم موس ورسم على الأرض زوز دوائر وقال للزوج: اوقف في وحدة من الدوائر. وقال للزوجة: اوقفي في الدائرة الثانية .. واحد منكم يطلع رجله من الدورة نقتله!! .. وتلفت للجهة الثانية وبدايسرق .. الزوجة تكلم في الزوج وتقول له : اهو متلفت للجهة الثانية دير حل واهجم عليه وشده .. والزوج يضحك .. ولما يئست منه قالت له : ماتقولليش كنك تضحك؟ .. الزوج : اسكتي .. من أمبكري نطلع في رجلي من الدورة وهوا مش فاطنللي
-------------------------------------------------------------------------------------------------------------------------------------
14- واحد مشي يزور في خالته خضرا لقاها يابسة.
------------------------------------------------------------------------------------------------------------------------------------
15- الطفل للأستاذ: هل تعاقبني على عمل ما درتش؟ .. الأستاذ: بالطبع لا!!
الطفل: امالا راني ما درتش الواجب.
------------------------------------------------------------------------------------------------------------------------------------
16- المحبوس الأول: عليش حبسوك؟ .. المحبوس الثاني: تصور على خاطر سرقت حبل
طوله ما يجيش ميترو .. لاكن في نهايته بقرة.
-----------------------------------------------------------------------------------------------------------------------------------
17- القاضي للمتهم: خلي إجابتك كلها شفوي .. أمتى آخر مرة شفت المجني عليه
المتهم : شفوي !!.
----------------------------------------------------------------------------------------------------------------------------------
18- واحد ماشي يزور في صاحبه يبي يعزمه على عرسه .. ولما طقطق على الباب
طلعتله بنت تحشم.. ولما شافها تلخبط معادش عرف شن يقول .. هو: عبد القاعد قادر ؟ .. هي: للأسف مش موجود .. من نقول له لما يجي؟ .. هو: قولي له حميدة الجاي لا .. حميدة اللي بعده عرس الخميس بيش أ يتفضل.
----------------------------------------------------------------------------------------------------------------------------------
19- واحد ماشي لحديقة الحيوان .. جا يالا قفص الأسد وخشش دماغه في القفص ..
جا الحارس متاع الحديقة يعيطله من بعيد : أنتا يا راجل يا مجنون شنو تدير ..
طلع دماغك من قفص الأسد .. الراجل: غير كنك خايف عليه .. تقول بناكلوه.
---------------------------------------------------------------------------------------------------------------------------------
20- الطفلة تسأل أمها: ماما .. علاش العروسة تلبس قفطان أبيض في العرس؟ ..
الأم: لأنها خاشة على دنيا جديدة كلها بيضاء .. الطفلة: أها .. وأني نقول علاش
العريس يلبس في بدلة سوداء؟
--------------------------------------------------------------------------------------------------------------------------------
21- الطفل: بابا علاش أنتا أصلع؟ .. الأب: لأن الصلعة دليل الذكاء يا
حبيبي .. الطفل: توا فهمت علاش ماما شعرها طويل.
--------------------------------------------------------------------------------------------------------------------------------
تمت يا حلوين النكت وان شاء الله اتشوفو مرة أخرى مواضيع افضل من هادي
وتحياتي لكل اعضاء منتديات شلال درنه
المصدر: منتديات شباب ليبيا - من قسم: نكت - ضحك - فرفشة